2017 jyldan bastap jyl saıyn “KAZENERGY” qaýymdastyǵy “Shell Qazaqstan B.V.” áriptestigimen jáne qarjylyq qoldaýymen tehnıkalyq jáne kásiptik, orta bilimnen keıingi bilim berý uıymdarynyń stýdentteri arasynda “Student Energy Challenge-Junior” Respýblıkalyq komandalyq baıqaýy ótkiziledi. Bul kolej stýdentteri jarıalaǵan eń perspektıvti jobalardy anyqtaýǵa baǵyttalǵan baıqaý. Baıqaý Qazaqstannyń kez kelgen kolejiniń stýdentteri qatysa alatyn kezeńderden turady.
Bıyl jobaǵa qatysý úshin konkýrstyq irikteýden ótken 38 komandanyń 18-i fınalǵa shyqty. Onyń ishinde ekinshi Abaı oblysy bilim basqarmasynyń “Radıotehnıka jáne baılanys koleji” “Aláns” komandasynyń stýdentteri Bazadyrova Marıa men Ishmýratov Vadım bar. Bul stýdentterdiń joba jetekshileri kolejdiń ekonomıka pániniń oqytýshysy Galıa Temırtaevna men arnaıy pán oqytýshysy Farıda Kenjebekovna boldy. Baıqaý 2023 jyldyń mamyr aıynan tamyz aıyna deıin jalǵasyp, 3 kezeńnen turdy:
- 1 kezeń erejesi boıynsha stýdentter baıqaýǵa tirkeldi;
- 2 kezeńde qatysýshylar ózderiniń komandalary jáne jasaǵan jobalary boıynsha beınerolık jasady;
- 3 kezeńde qatysýshy stýdentter óz jobalaryn Qazaqstannyń munaı jáne energetıka salasynyń eń iri mamandarynyń aldynda qorǵady.
Baıqaýdyń júlde qory 7500 AQSH dollaryn qurady. Baıqaý nátıjesinde úsh túrli baǵyt boıynsha úzdik komandalar tańdaldy. “Qorshaǵan ortany qorǵaý” baǵytynda eki komanda, sonyń ishinde bizdiń kolejimizdiń “Aláns” komandasy úzdik dep tanyldy. “Aláns”
