1940 jyly negizi qalanǵan ózindik baı tarıhy bar, erteden kele jatqan oqý ordasy «Radıotehnıka jáne baılanys koleji» KMQK alar orny erekshe. Kolej tarıhy 1940 jylǵy 1 qazanda KSRO Mınıstrler Keńesiniń sheshimine oraı № 7 baılanys kásiptik ýchılıshesiniń ashylýynan bastalady. Kolej tarıhyndaǵy aıryqsha betterdiń biri Uly Otan soǵysy jyldarynan syr shertetin bolsaq, 1940 jyly oqý ornyna 100 adam qabyldandy: 50 adam radıomonterler jáne 50 adam radıotoraptar men baılanys jelileriniń monterleri mamandyqtary boıynsha bilim aldy.
Al, 1941 jyly 250 adam oqýǵa qabyldandy. Sol kezdiń ózinde oqytý 6 mamandyq boıynsha júrgizildi. 
(radıomonterler, radıotoraptar monterlary, GTQ monterlary, telegraf mehanıkteri, radıooperatorlar). UOS kezinde 1064 bilim alýshy oqytylyp shyǵaryldy. Osy bilim alýshylardyń barlyǵy 1941 jyly Uly Otan Soǵysy maıdanyna attandy. Onyń 150-i UOS maıdanynda shaıqassa, 54-i ordendermen, sondaı – aq ýchılıshe ujymy Bránsk maıdanynyń qolbasshysynan túlekterdiń Stalıngradtaǵy baılanysty qalpyna keltirýdegi eńbekteri úshin alǵys aldy.
№ 7 kásiptik ýchılısheniń pedagogıkalyk ujymy soǵys jyldarynda qaǵaz, sıa, okýlyqtar jetpegenine, sabaq 
júgiziletin bólmelerdiń sýyqtyǵyna, jylýdyń joqtyǵyna qaramastan, óte aýyr jaǵdaıda, bar kúshterin aıamaı eńbek etti. Toıa tamaq ishpegen bilim alýshylar da ózderiniń bilimderi men iskerligi tylǵa da, maıdanǵa da kerek ekenin túsinip, oqýlaryn jalǵastyra berdi.
1962 jyly №7 KÝ Semeı oblastyq kásiptik bilim berý basqarmasynyń buıryǵymen № 27 qalalyq kásiptik tehnıkalyq baılanys ýchılıshesi bolyp ózgertildi.
1979 jyly № 44 baılanys tehnıkalyq ýchılıshesi boldy.
1984 jyly – № 5 orta kásiptik tehnıkalyq baılanys ýchılıshesi boldy.
1994 jylǵy 20 sáýirde № 5 orta kásiptik tehnıkalyq ýchılıshesi № 5 joǵary kásiptik baılanys ýchılıshesi bolyp ózgertildi.
1995 jyldyń 11 jeltoqsanynda kolej tarıhynyń betine taǵy bir jańalyq endi, onda Qazaqstan Respýblıkasy bilim Mınıstrliginiń № 312 buıryǵy boıynsha № 5 joǵary kásiptik ýchılıshe Semeı Radıotehnıka jáne baılanys koleji bolyp ózgertildi.
Radıotehnıka jáne baılanys koleji shejiresiniń jańa beti osy oqý 
ordasynan taban aýdarmaı 26 jylǵa jýyq basqaryp otyrǵan bilikti basshy, jany jaısań jan, QR bilim salasynyń qurmetti qyzmetkeri, QR úzdik baılanysshysy Oralhan Imanǵalıuly Sartaevtyń kelýimen ashyldy. Ol – kolejde qalyptasqan jaqsy dástúrlerdiń, jańa isterdiń bastamashysy.
Búginde «Radıotehnıka jáne baılanys koleji» mártebesine kóterilgen bilimniń qara shańyraǵy 80 jyl ishinde 80000-nan astam bilikti mamandardy túletip ushyrdy, olar búgingi kúni Respýblıkamyzdyń: «Qazaqtelekom» AQ, «Qazposhta» AQ, QR áskerı bólimderinde, «Transtelekom» AQ, «Qazaqstan temir joly» AQ, «Stıkstar» JShS sıaqty úlken mekemelerinde jemisti eńbek etip júr.
Qazirgi ýaqytta tek Shyǵys Qazaqstan oblystyq telekomýnıkasıa dıreksıasynda Radıotehnıka jáne baılanys kolejiniń 1000-ǵa jýyq túlegi jumys isteıdi.
Kolej óziniń tanymal túlekterin, sonyń ishinde 1962 jyly № 7 RÝ «Qurmetti baılanysshy» A.R. Rysbaevty, «Qurmetti baılanysshy», Úrjar aýdanynyń Qurmetti azamaty, Búkilodaqtyq halyq sharýashylyǵy jetistikteri kórmesiniń altyn medaliniń ıegeri, «Qazaqstan Respýblıkasy Táýelsizdigine 10 jyl» medalimen marapattalǵan Úrjar ATB burynǵy dırektory Tileýov Q.Á., «Qurmetti baılanysshy» N.Ch. Toǵyzbaevty, «Eren eńbegi úshin» medalimen marapattalǵan kabelshi B.J. Tarındi, «Eńbek dańqy» ordeniniń 3 dárejeli ıegeri V.G.Kornılovty jáne t.b maqtan etedi.
Bizdiń kolej 2013 jyldyń 15 qarashasynda Parıj qalasynda ótken halyqaralyq «Altyn medal SEIN» baıqaýyna qatysyp, «Ǵylym men bilimge, bilikti mamandardy daıyndaýǵa qosqan úlesi úshin» nomınasıasy boıynsha “Fransıanyń ulttyq ónerkásibine kómektesetin qaýymdastyqtyń – SEIN altyn medali” halyqaralyq baıqaýynyń laýreaty atandy.
Kolejdiń materıaldyq-tehnıkalyq bazasy buryn-sońdy dál qazirgi kezdegideı damymaǵan shyǵar. Búgingi kúni kolejde sońǵy úlgidegi kompúterlermen jabdyqtalǵan oqý bólmeleri, zerthanalar, Internet-tehnologıa kabıneti, oqý-óndiristik korpýstary bar. Bunyń barlyǵy bilim alýshylardyń kásibıligi men básekege qabilettiligin arttyrý jáne WorldSkills kásibı sheberlik konkýrsynda jetistikke jetýdiń, kolejdiń tabysty damýynyń jáne onyń órkendeýiniń kepili. Radıotehnıka jáne baılanys koleji WorldSkills qozǵalysyna 2017 jyldyń kókteminde qosyldy. WorldSkills qozǵalysynyń basty maqsattarynyń biri eńbek adamynyń mártebesin jáne tehnıkalyq mamandyqtardyń bedelin arttyrý bolyp tabylady. Biz, Radıotehnıka jáne baılanys kolejiniń ınjenerlik-pedagogıkalyq jáne stýdenttik ujymy, bul maqsat tabysty iske asyrylyp jatqanyn senimmen aıta alamyz! Sonymen qatar, WorldSkills qozǵalysy-bul halyqaralyq standarttar negizinde tehnıkalyq mamandyqtar boıynsha ónerkásiptiń joǵary tehnologıalyq salalaryn kadrlyq qamtamasyz etýdiń kepili! Jyl saıyn kolej stýdentteri WorldSkills kásibı sheberlik konkýrsynyń altyn, kúmis, qola medaldarynyń ıegerleri:
WorldSkills 2019 álemdik chempıonaty Qazan qalasynda, baı tarıhy men baı dástúri bar ejelgi Reseı qalasynda ótti! Bizdiń kolejdiń stýdenti, WorldSkills Kazakstan-2018 chempıony Denıs Zorınge osy jarystarda el namysyn qorǵaý qurmeti buıyrdy. Óziniń tálimgeri, óz isiniń myqty mamany K.M. Týsýpbaevanyń basshylyǵymen Denıs WorldSkills álemdik chempıonatyna qatysyp, qatysýshynyń medalónyn alyp, jaqsy nátıjeler kórsetti.
Álemdik chempıonatqa qatysýdan shabyt alǵan Radıotehnıka jáne baılanys kolejiniń ujymy kezekti WorldSkills óńirlik chempıonatyna daıyndyqty bastady. Aldyńǵy chempıonattarǵa tabysty qatysýdy nazarǵa ala otyryp jáne óz múmkindikterimizdi naqty baǵalaı otyryp, kolej quziretter sanyn keńeıtýdi sheshti. Bul joly kolej komandasy 9 túrli quzirettilik boıynsha 15 qatysýshydan turdy. Olar “Aqparattyq-kabeldik jeliler”, “Jelilik jáne júıelik ákimshilendirý”, “Elektronıka”, “Internet zattar”, “Injenerlik grafıka (CAD)”, “Mobıldi robototehnıka”, “Bızneske arnalǵan IT-sheshimder”, “Grafıkalyq dızaın”, “Web dızaın”. Oblys boıynsha málimdelgen 15 quzirettilik boıynsha 13 júldeli oryn-bul, árıne, úlken jetistik! Tórt quzirettilik boıynsha biz 
Shyǵys Qazaqstan óńirinde úzdik bolyp tanyldyq, bizdiń kolej stýdentterine 4 altyn medal buıyrdy! Úsh kúmis jáne 6 qola medal Radıotehnıka jáne baılanys kolejiniń jetistikteriniń qorjynyn tolyqtyrdy. Bizdiń kolej tarıhyndaǵy kelesi bet WorldSkills Kazakstan-2019 chempıonatyna qatysý boldy. Bul joly da bizdiń stýdent Qoıshybaeva Jaına “Internet zattar” quzirettiligi boıynsha altyn medal ıegeri atandy. Al “Elektornıka” quzirettiligi boıynsha chempıonatqa qatysqan kolej stýdenti Saıfýllın Edýard qola júldeger atandy. Sondaı-aq, Qynyrbekov Sherhan, Mýhortov Nıkıta jáne Kýdageldınov Ádil medalón ataǵyn aldy.
2020 jyly WorldSkills óńirlik chempıonatyna 12 quzirettilik boıynsha kolejdiń 20 stýdenti qatysyp otyr.
Atadan mura, urpaqqa ónege bolar kemel kolejimizdiń rýhanı jańǵyrýynyń jańa belesinde bilim shańyraǵyna aldaǵy ýaqytta da tolaǵaı tabystar tileı otyryp, alar asýlarymyz kolejimizdiń júz jyldyq dúbirli toıyna jetelesin demekpiz.
